發文作者:Josaphat Tam | 九月 1, 2008

翊翊的趣緻行徑和說話

(一)中英文篇

      食飯時,佢突然講……
      翊翊  :  A is for apple, B is for bus,(見到枱面的骨無端端講)Q is for 骨.
      媽媽  :  骨係中文嚟架!
      翊翊  :  骨 is for 中文.

(二)意外篇

      事緣我們一家三口玩,媽媽不小心令到他撞到爸爸的腳,攪到佢個頭仔有d痛,然後……
      翊翊  :  嗚……嗚……嗚……嗚……(喊)
      媽媽  :  你覺得點呀?
      翊翊  :  小朋友(即係講佢自己)好慘呀!
      媽媽之後大笑,扮作明白地安撫他.

(三)大個仔篇

      佢為表大個仔,依家成日都話……
       媽媽  :  我幫你刷牙啦!
       翊翊  :  自己!
       媽媽  :  係咪拿這兩書入房呀!
       翊翊  :  自己!
       媽媽  :  點解你咁耐都未自己"殊殊"呢?
       翊翊  :  因為未熟. ["未熟"是在他看見生肉時教他的: "呢d肉唔可以食, 點解呀? 因為未熟. 知唔知?" "知"]
       真俾佢激死.

(四)啫啫仔篇

       這兩件事已隔了一段時間,但諗起都好笑,場景是廁所,翊翊正便便時,拿起自己條啫啫仔……
       (i) 媽媽  :  你有幾多條啫啫仔呀?
            翊翊  :  2條.
            媽媽  :  唔係麻!
            翊翊  :  哈哈! [連自己都笑]

        (ii) 翊翊  :  (指住啫啫仔)呢度太長!
             媽媽  :  唔係呀! ok 啦!
             翊翊  :  呢度太紅!
             媽媽  :  又真係喎! 媽媽唔記得幫你換片呢! 攪到你紅晒.

(五)99粒 vs 1粒飯篇
  
      翊翊很有耶穌基督愛人的心腸,耶穌寧捨棄圈中的99隻羊,去搵走迷了的一隻.但翊翊將愛人轉化為愛飯.
     
      吃飯時,佢常常寧願放下碗裏的99粒飯,去吃跌在枱上的,衣服上的,褲管裏的,腳趾罅的,甚至地毯上的一粒飯,
      還吃得津津有味.佢有時拿起地毯上的飯給媽媽看並說:<呢個唔食得.> 但隨即把飯放入口.

      有時,佢食飯有如龜速咁慢,真想把佢成碗飯倒在枱上或地上,佢可能食得仲快d,但我們當然冇咁做啦!
 

廣告

Responses

  1. 翊翊有點蠟筆小新既feel 呀…:p


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

分類

%d 位部落客按了讚: