發文作者:Josaphat Tam | 二月 20, 2010

有趣對話(十二) 翊翊永遠為弟弟護航

事件一:

媽媽都不明白為何生出來的兩個仔飲奶都係咁衰……
某天,翹翹弟弟飲奶又是不合作,媽媽火都黎啦……於是棟起翹翹,大聲的呼喝翹翹.
正在玩玩具的哥哥聽到媽媽責罵弟弟,就說……

翊翊:媽媽,你唔好咁大聲話弟弟啦!佢會好唔開心架!
媽媽:咁係佢"曳"麻,咁唔係要點呀?
翊翊:你斯文D啦!
媽媽:咁即係點呀?你示範下啦!
翊翊:(用斯文及溫柔的語氣)翹翹,乖乖飲奶奶啦!
媽媽:(模仿翊翊的語氣)翹翹,乖乖飲奶奶啦!係咪咁呀?
翊翊:係啦!係啦!做得啱啦!

事件二:
只要哥哥一放假,而爸爸又要返工,媽媽要一個照顧兩隻嘢就會超忙,最"曳"就係隻翹翹勁蝦抱,瞓小睡瞓唔夠三個字就醒了(翊翊返學,佢瞓得好D),哭著要人抱了.洗衣,收衣,洗碗,洗奶瓶,拖地,樣樣都不能專心好好地做.
正當媽媽晾緊第二機衫的時候,翹翹又醒了.媽媽抱他放在搖搖椅上,讓他自己玩玩具,不夠三秒又喊又要人抱.媽媽不理他,繼續晾衫,弟弟就不停喊.於是媽媽又教訓弟弟了……

媽媽:翹翹,你乖D啦!媽媽有好多嘢做架!我唔可以成日都抱住你架!你自己玩玩具啦!
弟弟的喊聲頓時停了,望著媽媽,好似明白媽媽咁,但眼仔又紅,滿面都是淚水.

又正在玩玩具的哥哥聽到媽媽的說話後,立即飛奔弟弟的搖搖椅度,輕輕的拍著弟弟的身體安慰他……
翊翊:媽媽,你唔好嬲弟弟啦!
媽媽:我好多嘢做麻!邊個叫佢咁快醒啫!
翊翊:弟弟,你做咩咁快醒啫!我陪你玩呀!唔好喊呀吓!
媽媽:咁你就陪弟弟啦!
翊翊:你鐘意玩咩?不如我講故事俾你聽啦!
於是,哥哥就拿出故事書來,一頁一頁的掀,弟弟好似安靜了下來,媽媽不理會他們就繼續晾衫.晾了一兩件衫,媽媽望一望他們,發覺翊翊只不過係度自己睇故事書,弟弟一D都睇唔到……

可能哥哥經歷給媽媽的教訓實在太不好受了,唔想弟弟好似佢咁這麼可憐,所以在他有能力的時候保護翊翊口中常常讚可愛的弟弟.
這一招萬試萬靈,每次當哥哥護著弟弟的時候,媽媽的怒氣都會全消,這並不是媽媽已忘記弟弟的"曳"嘢,而係俾呢個可愛的哥哥溶化了.
哥哥咁錫弟弟,希望弟弟將來都一樣咁愛護哥哥.

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

分類

%d 位部落客按了讚: